EAEK otyrysynda Pýtın Toqaevqa berip jibergen qaǵazda ne jazylǵan

ASTANA. QazAqparat - Prezıdenttiń baspasóz hatshysy Rýslan Jeldibaı 25 mamyrda Máskeýde ótken Joǵary Eýrazııalyq ekonomıkalyq keńestiń keńeıtilgen quramdaǵy otyrysynda Vladımır Pýtınniń Qasym-Jomart Toqaevqa berip jibergen qaǵazynda ne jazylǵanyn aıtyp berdi, dep habarlaıdy QazAqparat.

Onyń aıtýynsha, bul qaǵazda Reseı tarapynyń EAEO kóshbasshylarynyń shaǵyn quramdaǵy kezdesýinde qoıylǵan suraqqa jaýaby jazylǵan.

«Onda júk jóneltýshi qazaq kompanııalarynyń Reseı temir jolynda ishki tarıf boıynsha taýar tasymaldaý múmkindigi týraly aıtylady. Reseı Úkimeti Qazaqstan aýmaǵynda mejeli pýnkti bar taýarlardyń jeńildikti tarıfti paıdalana alatynyn atap ótken, alaıda Reseı aýmaǵynda tranzıtpen júretin taýarlarǵa eksporttyq tarıf qoldanylýy tıis dep esepteıdi»,- deıdi Rýslan Jeldibaı.

Prezıdent bizdiń Úkimetke osy másele boıynsha 2015 jylǵy EAEO qurý týraly shart qaǵıdattary negizinde Reseı tarapymen kelissózdi jalǵastyrý jóninde tapsyrma berdi.

Eske sala keteıik, Qazaqstan Prezıdenti 25 mamyrda Máskeýdegi Joǵary Eýrazııalyq ekonomıkalyq keńestiń otyrysyna qatysty.