EADB Qazaqstandaǵy sý tasqynynyń zardabyn joıýǵa 1 mln dollar bóldi

ASTANA. KAZINFORM – Eýrazııalyq damý banki (EADB) Qazaqstandaǵy sońǵy 80 jyldaǵy eń iri sý tasqynynyń saldaryn joıýǵa qarjylaı kómek jiberý týraly sheshim qabyldady. Bul týraly banktiń baspasóz qyzmetinen habarlaıdy.

«Qazaqstanda qalyptasqan jaǵdaıdyń mańyzdylyǵyn túsine otyryp, biz sý tasqynynan zardap shekken aımaqtarǵa qoldaý kórsetý úshin 1 mln AQSh dollary kóleminde qarjylaı kómek jiberdik», - dedi EADB Basqarma tóraǵasy Nıkolaı Podgýzov.

Sonymen qatar EADB jyl saıynǵy jınalys pen bıznes-forýmdy 2024 jyly ımıdjdik oqıǵalardy qospaǵanda, qysqartylǵan formatta ótkizý týraly sheshim qabyldady.