E. Jeńisulynyń "Bir jaryq" dep atalatyn alǵashqy jyr jınaǵy shyqty
ALMATY. Qazannyń 27-si. QazAqparat /Erlik Erjanuly/ - Almatyda "Jalyn" baspasynan belgili sport jýrnalısi, balalar men jasóspirimderge arnalǵan respýblıkalyq "Ulan" gazetiniń bas redaktory Eseı Jeńisulynyń "Bir jaryq" dep atalatyn alǵashqy jyr jınaǵynyń súıinshi danasy shyqty,
dep habarlaıdy QazAqparat.
"Jas tolqyn" serııasymen jaryq kórgen bul kitap Mádenıet jáne aqparat mınıstriniń baǵdarlamasy boıynsha shyǵarylyp otyr. Tuńǵysh jınaǵyn anasy Áýeshan Sabazqyzyna arnaǵan aqyn "Jıyrma bes" degen óleńinde - "Jıyrma bes, kózimdegi saǵymdy ashtyń, Jolyma nur tósediń jalyn shashtyń. Sen bop ótken kúnderdi ańsaǵanmen, Ókinishti sen bergen saǵynbaspyn..."- deıdi.
Úsh bólimnen turatyn bul kitaptyń alǵashqy "Jıyrma bes" dep atalatyn bóliminde jastyq, mahabbat taqyrybyndaǵy óleńder toptastyrylǵan. Olardyń ishinde "Jıyrma bes", "Dosqa", "Jarastyq pa eken", "Keshqurym shaq...", "Sen meniń tylmys ánim eń", "Mende seniń tórt sýretiń bar", "Jylap tur Almaty kóktemi", "Jasyryp áýre bolmashy...", "Hatqa jaýap" degen sııaqty 34 jyr bar. "Ómirdi súıý" dep atalatyn ekinshi bólimde - ómir, sezim, qýanysh, muń taqyryptarynyń aıasyndaǵy 24 jyr qamtylǵan. Al "Adamdarǵa naz" dep atalatyn úshinshi bólimde ártúrli taqyryptaǵy "Bizdiń shal", "Jylama", " Kólsaı", "Aborıgen", "Júrekkke alǵys", "Ómir fálsafasy" tárizdi 31 jyr jınaqtalǵan.
