«E-jedel járdem» jobasy sanıtarlyq kólikterdiń jetispeýshiligi men dárigerler tapshylyǵy máselesin sheshti
ASTANA. 12 qyrkúıek. QazAqparat - Elordada «E-jedel járdem» biregeı medıtsınalyq qyzmetter jobasy sanıtarlyq kólikterdiń jetispeýshiligi men dárigerler tapshylyǵy máselesin sheshti, sondaı-aq jedel shaqyrýlar qyzmeti jumysynyń sapasyn jaqsartýǵa múmkindik berdi. Bul týraly astana.kz saıtyna Densaýlyq saqtaý basqarmasynan habarlady.
Ústimizdegi jyldyń І toqsanynda vırýstyq ınfektsııaǵa shaldyǵý oqıǵalary kóbeıgendikten kólikter men dárigerlerdiń jetispeýshiligi ótkir sezildi. Sonyń saldarynan «103» pýnktine kelip túsken shaqyrýlar sany 23%, balalardyń aýrýǵa shaldyǵý jaǵdaılary 16% artqan. Osyǵan oraı, dárigerler patsıentke keshigip baryp júrdi. Sondyqtan kadrlardy qabyldaý jumysy kúsheıtildi.
2013 jyldyń 8 aıynda 92 maman (27 dáriger, 65 OMQ) jumysqa qabyldandy. Aıta keteıik, ınnovatsııalyq jobany engizýge oraı naýqasqa jetýdiń ortasha ýaqyty 3,9%, GPS-navıgator men IP telefonnyń kómegimen dıspetcherlik kidirý ýaqyty 6,5% qysqardy.
Sonymen qatar, halyq sany artyp, jańa úılerdiń salynýynan qyzmet kórsetiletin aýmaqtyń ulǵaıýyna qaramastan GPS-navıgatsııanyń arqasynda benzın shyǵyny azaıyp, sanıtarlyq mashınalardyń júrisi kemidi. Medıtsına qyzmetkerleri elektrondyq anyqtamalyqty paıdalana otyryp, qaıta shaqyrýlar sanyn 96%, dıagnozdardyń sáıkes kelmeý jaǵdaılaryn 63,3% jaqsarta aldy. Jansaqtaý ádisteriniń tıimdiligi 2 esege artty. Qazirgi ýaqytta planshet qurylǵylary jetildirildi, yńǵaıly jumys jasaý jáne aǵa dıspetcherlerdiń brıgadalardyń jumysyn úzdiksiz baqylap otyrýy úshin qaıta jańartyldy. Budan basqa, kelesi taqyryptar boıynsha dárigerler men feldsherlerdi oqytýǵa basa nazar aýdarylady: eresek adam men balaǵa shuǵyl kómek kórsetý taktıkasy (BLS kýrs), bala týýdy baqylaý, akýsherliktegi shuǵyl jaǵdaılar, jaraqat alǵan kezderde shuǵyl kómek kórsetý algorıtmi.
2013 jyldyń qańtar-tamyz aılarynda jedel járdem qyzmetiniń 178 medıtsına qyzmetkeri, sonyń ishinde 86 dáriger, 92 feldsher oqytyldy. Budan basqa, 2013 jylǵy sáýir aıynan bastap halyqaralyq standarttar boıynsha sanıtarlyq kólikterdiń júrgizýshileri paramedıkterdiń oqýyn oqyp jatyr. Búgingi tańda 132 júrgizýshi oqýdy támamdady.
Eske salaıyq, «E-jedel járdem» ınnovatsııalyq jobasy «Smart Astana» («Aqyldy qala») tujyrymdamasy aıasynda 2011 jylǵy jeltoqsan aıynan bastap qalalyq jedel medıtsınalyq járdem stantsııasynyń bazasynda qolǵa alynǵan bolatyn.
