«E-jedel járdem» ınnovatsııalyq jobasy elordanyń jedel járdem brıgadasy jumysyn ońtaılandyrdy
ASTANA. 27 aqpan. QazAqparat - Innovatsııalyq joba aıasynda qalalyq medıtsınalyq jedel járdem bazasy negizinde «E-jedel járdem» jobasy iske qosyldy.
Qazirgi kezde jedel járdem brıgadasy 64 planshettik qurylǵymen jabdyqtalǵan. Planshettik qurylǵyǵa úsh: GPS-navıgatsııa, IP-telefonııa, elektrondy medıtsınalyq anyqtamalyq qyzmeti engizilgen. Bul týraly astana.kz saıtyna qalalyq densaýlyq saqtaý basqarmasynan málim etti.
Baǵdarlamalyq keshendi jańartý is-sharalary júrgizilip, basqa da baǵdarlamalyq júıelermen yqpaldastyrý júzege asyrylýda.
Atalǵan jobany engizý jedel járdem brıgadasy kómegin ońtaılandyrýǵa múmkindik týǵyzdy. Atap aıtqanda, shaqyrtýlardyń sany tym kóbeıip, jedel járdem brıgadasy jetispegen jaǵdaıda óte shuǵyl áreket etýge, qalanyń medıtsına qyzmetkerleri arasyndaǵy sabaqtastyqty jaqsartýǵa, qaıtalama shaqyrtýlar men kidiristerdi azaıtýǵa, jedel járdem kómeginiń shyǵyndaryn tómendetýge, patsıentterdiń meken-jaılaryn tez jáne dál tabýǵa, sondaı-aq, dıagnozdardyń durys qoıylýyn jáne brıgadanyń kinásinen bolatyn qaıtalama shaqyrtýlardy azaıtýǵa qol jetkizildi.
Vedomstvodan habarlaǵanyndaı, «E-jedel járdem» jobasyn engizý nátıjesinde naýqasqa jetý ýaqyty orta eseppen 5 paıyzǵa jaqsardy. Patsıentterdiń qaıtalap shaqyrýlary 8, jedel járdem brıgadasyn shaqyrǵannan keıin bolatyn ólim 6,2 paıyz azaıdy.
