E. Ydyrysov: Sırııadaǵy gýmanıtarlyq apat álemdegi eń kúrdeli daǵdarystardyń biri bolyp qala berýde
ASTANA. QazAqparat - Nıý-Iork qalasynda QR Syrtqy ister mınıstri Erlan Ydyrysov Reseı Federatsııasynyń Syrtqy ister mınıstri Sergeı Lavrovtyń tóraǵalyǵymen ótken BUU Qaýipsizdik Keńesiniń ashyq debattaryna qatysty.
Bul týraly QR SІM baspasóz qyzmetinen habarlady.
Álemdik minberden Qazaqstannyń halyqaralyq máselelerge qatysty prıtsıptik ustanymdary aıqyndaldy.
E. Ydyrysov atap ótkendeı, Taıaý Shyǵys pen Soltústik Afrıkadaǵy jaǵdaılar on shaqty jyldar boıy ǵalamdyq qaýipsizdikti turaqsyzdandyryp keledi. Ol ızraıldik jáne palestınalyq basshylardy olardyń halyqtarynyń zańdy alańdaýshylyqtaryna jaýap beretin beıbit kelisimge qol jetkizý maqsatynda jaýapkershilik pen erik tanytýǵa shaqyrdy.
E. Ydyrysov Prezıdent N.Á. Nazarbaevtyń 28 qyrkúıektegi BUU BA saıası debattaryndaǵy aıtqan sózderine silteme jasaı otyryp: «Biz BUU 70 jyldyq tarıhynda revolıýtsııalar men soǵystardyń lımıtin taýystyq, endi bizdiń kóregendigimiz beıbitshilik pen qaýipsizdik isine jumys jasaýy tıis. «Arab kóktemi» memleketaralyq qarym-qatynastardy kúrdelendirip, adamzat áleýetiniń damýyna tek teris áserin tıgizip, bizdiń qoǵamdy artqa tastaıtynyna kóz jetkizdi», - dep atap ótti.
Syrtqy saıası vedomstvo basshysy Sırııadaǵy gýmanıtarlyq apatty álemniń eń kúrdeli daǵdarystardyń birine aınalǵanyn jáne ol aımaqtyq máseleden ulǵaıyp ketkenin aıtyp ketti.
Qazaqstan BUU, Arab memleketteriniń lıgasy, AQSh jáne RF sekildi halyqaralyq qaýymdastyq pen sırııalyq bılik pen oppozıtsııanyń dıalog pen tatýlyq jolymen, tez arada zorlyq pen qantógisti toqtatý arqyly Sırııanyń saıası bolashaǵyn aıqyndaýǵa qosyp otyrǵan kúsh-jigerin qoldaıtyny atalyp ótildi.
«Biz sırııalyq bılik pen oppozıtsııanyń arasyndaǵy kelissózder osy qaqtyǵysty retteý jónindegi jenevalyq úderistiń sheńberinde óz jalǵasyn tabady dep senemiz. Qazaqstan Sırııanyń ishki daǵdarysy tek qana beıbit jolmen sheshilýi tıis degen ustanymǵa berik», - dedi E. Ydyrysov.
Sonymen qatar, syrtqy saıası vedomstvo basshysy Qazaqstannyń Azııadaǵy ózara is-qımyl jáne senim sharalary keńesi jáne Álem jáne dástúrli dinder kóshbasshylarynyń sezdi, negizgi maqsaty beıbitshilik pen turaqtylyqqa yqpal jasaý úshin saıası dıalog pen ózara yqpaldasý alańyn qamtamasyz etý bolyp tabylatyn, ú.j. maýsym aıynda ótkizilgen zorlyq ekstremızmge qarsy kúres jónindegi óńirlik konferentsııa sekildi mańyzdy bastamalary týraly aqparattandyrdy. Osy oraıda ol Qazaqstan basshysynyń lańkestikpen kúresý maqsatynda BUU janynda Ǵalamdyq kontrterrorısttik jeli jasap shyǵarý týraly jańa bastamasyna nazar aýdardy.
E. Ydyrysov Qazaqstannyń halyqaralyq lańkestikpen kúres jáne Taıaý Shyǵysta beıbitshilik ornatýdaǵy ujymdyq kúsh-jigerge óz ustanymyn rastap, ǵalamdyq syndarǵa áreket etýde óziniń naqty úlesin qosýǵa daıyn ekendigin jetkizdi.
Sol kúni BUU alańynda E. Ydyrysovtyń sheteldik áriptesterimen ekijaqty kezdesýleri jalǵasyn tapty.
Gvıneıa, Zımbabve, Qatar, Kolýmbııa, Marokko, BAÁ, Trınıdad jáne Tobago syrtqy saıası vedomstvolar basshylarymen ótkizgen kelissózderinde ekijaqty yntymaqtastyq máseleleri men halyqaralyq saıasattyń ózekti taqyryptary talqyǵa salyndy.
Kelissózder aıasynda qazaqstandyq mınıstr Qazaqstannyń BUU Qaýipsizdik Keńesine 2017-2018 jj. turaqty emes múshelikke kandıdatýrasy qoldaýǵa ıe bolady degenge senim arta otyryp, Qazaqstannyń ıadrolyq qarýsyzdanýǵa, turaqty damý maqsattaryna jáne Ońtústik-Ońtústik ǵalamdyq bastamasyn ilgeriletýge qosqan tarıhı úlesin aıtyp berdi.
E. Ydyrysov ekijaqty yntymaqtastyqtyń oń deńgeıi, sonymen qosa halyqaralyq kún tártibiniń birqatar máseleleri boıynsha uqsas ustanymdar ári qaraı tıimdi yqpaldastyqtyń kepildigine aınalady dep senim artty.
Sondaı-aq, AQSh Memlekettik hatshysynyń orynbasary Ýendı Shermanmen kezdesý ótkizilip, memleket basshylary Nursultan Nazarbaev pen Barak Obamanyń kezdesýindegi nátıjelerdi, ekijaqty strategııalyq qarym-qatynasty damytýdyń naqty qadamdary talqylandy.
