E.Ydyrysov «ShYU-Aýǵanstan» baılanys tobynyń qyzmetin qalpyna keltirý qajettiligin atap ótti
MÁSKEÝ. QazAqparat - Aýǵanstannyń memlekettiligin damytý jáne nyǵaıtý ShYU-nyń jaýapkershiligine kiretin aımaqtaǵy turaqtylyqtyń basty faktorlarynyń biri bolyp qalyp otyr.
Osyǵan baılanysty, Qazaqstan Aýǵanstannyń Ulttyq birligi Úkimeti men halyqaralyq qaýymdastyqtyń eldegi jaǵdaıdy turaqtandyrý boıynsha kúsh salýyna qoldaý bildiredi. Bul týraly Máskeýde ShYU-na múshe memleketterdiń Syrtqy ister mınıstrleriniń qatysýymen ótken «ShYU aımaǵyndaǵy qaýipsizdik pen turaqtylyq» atty joǵary deńgeıdegi konferentsııa barysynda QR Syrtqy ister mınıstri Erlan Ydyrysov málimdedi.
E.Ydyrysovtyń pikirinshe, atalǵan baǵyttyń basty maqsaty - Aýǵanstandy aımaqtaǵy saıası, ekonomıkalyq, saýda jáne trnanzıttik aınalymǵa qaıtarý.
Osyǵan baılanysty QR syrtqy saıası vedomstvosynyń basshysy áriptesteriniń nazaryn «ShYU-Aýǵanstan» Baılanys toby qurylǵanyna 10 jyl tolýyna qaramastan, qandaı da bir kúrdeli jetistikterdiń joq ekenine aýdartty. Mınıstr «ShYU-Aýǵanstan» baılanys tobynyń qyzmetin qalpyna keltirý qajettiligi men jańa qyr kórsetýler men qaýip-qaterlerdiń paıda bolýyn eskere otyryp, onyń jumysynyń naqty taqyrybyn anyqtaý qajettiligin atap ótti.
