E. Ydyrysov Mınıstrlik basshylyǵymen kezekti jumys otyrysyn ótkizdi
ASTANA. QazAqparat - Búgin QR syrtqy saıası mekemeniń basshysy E. Ydyrysov Mınıstrlik basshylyǵymen kezekti jumys otyrysyn ótkizdi. Bul týraly QR SІM baspasóz qyzmetinen habarlady.
E. Ydyrysov SІM ujymyn jáne barlyq qazaqstandyqtardy prezıdenttik saılaýdaǵy Elbasy N.Á. Nazarbaevtyń jeńisimen quttyqtady.
QR Syrtqy ister mınıstri qazaqstandyqtardyń saılaýǵa qatysyp, qazirgi Elbasynyń baǵytyna qoldaý kórsetken teńdesi joq belsendiligin atap ótti.
E. Ydyrysov Qazaqstanǵa kelgen halyqaralyq baıqaýshylarǵa alǵysyn bildirdi. Elimizde ótken prezıdenttik saılaýǵa myńnan astam shetel qonaqtary kelgeni belgili, olardyń 800-den astamyn baqylaýshylar jáne shamamen 200-in shetel buqaralyq aqparat quraldarynyń ókilderi qurdy.
Jumys otyrysy barysynda, sonymen birge, el basshylyǵynyń aldaǵy ekijaqty jáne kópjaqty formattaǵy halyqaralyq sharalarǵa qatysý tizbegi, negizgi syrtqy saıası basymdyqtar, sonyń ishinde 2017-2018 jj. BUU Qaýipsizdik Keńesiniń turaqty emes músheligine Qazaqstan kandıdatýrasyn ilgeriletý, damýǵa resmı kómek salasynda bastamalardy damytý, astanadaǵy shtab-páterimen IYU Azyq-túlik qaýipsizdigi jónindegi Islam uıymyn qurý, Almaty qalasynda BUU óńirlik dıplomatııa habyn qurý, sonymen qatar, Qazaqstanda josparlanǵan birqatar iri sharaladyń - Álemdik jáne dástúrli dinder kóshbasshylardyń seziniń, Astana ekonomıkalyq forýmynyń jáne Taıaý Shyǵystaǵy beıbitshilik máseleleri boıynsha BUU halyqaralyq medıa-forýmynyń uıymdastyrylýynda Mınıstrliktiń qatysýy talqylandy.
