E.Ydyrysov Qytaı, Reseı, Ońtústik Koreıa, Qyrǵyzstan jáne Túrkııa elderindegi áriptesterimen eki jaqty kezdesýler ótkizdi (FOTO)

BEIJІŃ. QazAqparat - Búgin Qazaqstan Respýblıkasynyń syrtqy ister mınıstri Erlan Ydyrysov Qytaı, Reseı, Ońtústik Koreıa, Qyrǵyzstan jáne Túrkııa elderiniń syrtqy saıası vedomstvosynyń basshylarymen eki jaqty kelissózder júrgizdi. Kezdesýler Azııadaǵy ózara is-qımyl jáne senim sharalary jónindegi keńeske múshe-memleketter syrtqy ister mınıstrleriniń 5-shi kezdesýi alańynda ótti.

E. Ydyrysov QHR Syrtqy ister mınıstri Van Imen kelissózder júrgizgende taraptar ekijaqty yntymaqtastyqtyń keń aýqymdy máselelerdi, aǵymdaǵy jyldaǵy bolatyn baılanystardyń joǵary deńgeılerindegi daıyndyq máselesin talqylady, sonymen birge birqatar halyqaralyq jáne óńirlik máseleler boıynsha pikir almasty.

Eske sala keteıik, AÓSShK múshe-memleketter syrtqy ister mınıstrleriniń 5-shi kezdesýiniń qorytyndysy boıynsha birlesken deklaratsııa, 2016-2018 jyldarǵa arnalǵan esirtkige qarsy kúreste yntymaqtastyq boıynsha is-sharalar jospary, 2016-2018 jyldarǵa arnalǵan shaǵyn jáne orta kásipkerlikti damytý salasyndaǵy kelisim sharalaryn júzege asyrý boıynsha is-sharalar jospary qabyldandy.

Azııadaǵy ózara yqpaldastyq jáne senim sharalary jónindegi keńesti (AÓSShK) ótkizý týraly bastamany alǵash ret Qazaqstan Respýblıkasynyń Prezıdenti N.Nazarbaev 1992 jylǵy qazanda ótken BUU Bas assambleıasynyń 47-sessııasynda usynǵan bolatyn. Ol 1992 jyldan 2010 jylǵa deıin AÓSShK-te Qazaqstan, 2010-2014 jyldary Túrkııa tóraǵalyq etti. 2014 jyldan 2018 jylǵa deıin tóraǵalyq Qytaıǵa ótti.

Qazir AÓSShK-ke 26 memleket múshe (Aýǵanstan, Ázerbaıjan, Bahreın, Bangladesh, Vetnam, Mysyr, Úndistan, Irak, Izraıl, Iordanııa, Iran, Qazaqstan, Katar, Kambodja, Qytaı, Qyrǵyzstan, Mońǵolııa, Pákistan, Palestına, Koreıa Respýblıkasy, Reseı, BAÁ, Tájikstan, Taıland, Túrkııa, Ózbekstan), 12 el men halyqaralyq uıym - baıqaýshy (Belarýs, Indonezııa, Shrı-Lanka, Ýkraına, AQSh, Japonııa, Malaızııa, Fılıppın, BUU, EQYU, TúrkPA, Arab memleketter Lıgasy).