E.Ydyrysov: Qazaqstan «úlken oıyn» tujyrymdamasynan túbegeıli bas tartady
ASTANA. QazAqparat - Qazaqstan «úlken oıyn» tujyrymdamasynan túbegeıli bas tartady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Syrtqy ister mınıstri Erlan Ydyrysov málim etti.
«Joǵary deńgeıdegi delegatsııalar barys-kelisiniń jandanýyna baılanysty álemniń keıbir sarapshylary bizdiń óńirdegi qandaıda bir «úlken oıyndardyń» týyndap kele jatqandyǵyn aıta bastady. Qytaı, Reseı, Túrkııa, Úndistan, Japonııa, AQSh, Eýropa kóshbasshylarynyń sapary olarda «úlken oıyn» týraly oı týyndatyp otyr. Osy rette men Qazaqstannyń «úlken oıyn» tujyrymdamasynan túbegeıli bas tartatyndyǵyn atap ótkim keledi», - dedi E.Ydyrysov.
Onyń paıymynsha, Qazaqstan men Ortalyq Azııa elderi jetilgen oıynshylar jáne qandaı da bir oıyndaǵy «qolbala» emes.
«Qazaqstan Eýrazııany yntymaqtastyqtyń, ózar is-qımyl men senimniń úlken alańy retinde qarastyrady jáne biz barlyǵyna da tıimdi tujyrymdama usyndyq», - dedi mınıstr.
