E. Ydyrysov: Qazaqstan Sırııa daǵdarysyna arnalǵan kezdesýdi qaıta ótkizýge daıyn
Onyń sózine qaraǵanda, kelissózderdiń qaıta ótýi ábden múmkin, "degenmen ol sırııalyq kúshterdiń osy máselege qatysty kelissózder ótkizýge degen yntasyna baılanysty".
"Bizdiń ustanymymyz ashyq. Áliptiń sońyn kúteıik. Sırııalyq daǵdarysty retteýge jumyldyrylǵan ortaq kúsh-jiger basym bolady dep úmittenemiz jáne Jeneva protsesi qaıta jandanyp, ony sońyna deıin jetkizý múmkin bolady dep esepteımiz. Eger ol úshin Astanada taǵy da kelissózder ótkizý qajet bolsa, Qazaqstan oǵan daıyn", - dedi mınıstr. QR SIM basshysy Qazaqstan qaıshylyqtardy beıbit jolmen sheshýdiń barlyq joldaryn quptaıtynyn atap ótti.
"Árıne, biz áriptes-dostarymyzdyń, ásirese BUU-nyń Sırııa daǵdarysy boıynsha arnaıy elshisi Mıstýra myrzanyń ustanymdary men keńesterine júginetin bolamyz", - dep atap ótti ol.
Bunyń aldynda habarlaǵanymyzdaı, maýsym aıynda QR Syrtqy ister mınıstri Erlan Ydyrysov Jenevada BUU-nyń Sırııa boıynsha arnaıy elshisi Stefan de Mıstýramen kezdesedi.