E. Ydyrysov «QazAqparat» agenttiginiń ujymyn 95 jyldyǵymen quttyqtady
ASTANA.QazAqparat - Qazaqstan Respýblıkasynyń Syrtqy ister mınıstri Erlan Ydyrysov «QazAqparat» HAA 95 jyldyǵymen quttyqtady.
«QazAqparat» halyqaralyq aqparat agenttiginiń qurmetti redaktsııasy!
Aqparattyq agenttiktiń qurylýynyń 95 jyldyǵyna baılanysty shynaıy quttyqtaýymdy qabyl alyńyzdar!
1920 jyly óziniń jumysyn alǵash ret bastaǵan «QazAqparat» áli kúnge deıin Qazaqstannyń barlyq halqy úshin baǵdar bolyp qalýda, agenttik bizdiń elimizde ǵana emes, sonymen birge álemdegi negizgi oqıǵalar týraly jandy jáne qyzyqty bedeldi aqparat kóziniń mártebesin qýattaýda, sondaı-aq nyǵaıtýda. Qazaqstandyq oqyrmandar úshin agenttiktiń mańyzdy ereksheligi - ómirdiń túrli salalaryndaǵy reportajdar taqyryptarynyń keń aýqymy bolyp tabylady.
Aqparattyq agenttiktiń jumysy boıynsha Qazaqstannyń táýelsizdikti ıemdený jolyn, sondaı-aq qarqyndy damý ústindegi bedeldi memleket jáne halyqaralyq qoǵamdastyqtyń áriptesi retinde qaz turý, qalyptasý kezeńderin qadaǵalaýǵa bolady. Jáne búgin shetelderdegi tilshi qosyndarynyń keń tarapty jelisi men kóptegen shet tilderindegi tuǵyrnamalar arqyly Sizder qazaqstandyq, sondaı-aq álemdik aýdıtorııaǵa bizdiń elimizdegi basty oqıǵalar týraly alǵashqy derek kózderinen jáne naqty ýaqyt rejıminde obektıvti ári shynaıy aqparatty taratýdy jalǵastyryp kelesizder.
«QazAqparat» halyqaralyq aqparat agenttiginiń barlyq quramyna budan bylaı da shyǵarmashylyq tabystar jáne uzaq jyldar boıy belsendi qyzmet tileımin!» dep jazylǵan quttyqtaý mátininde.
