E. Ydyrysov EQYU SІMK otyrysynda QR Prezıdentiniń terrorızmmen kúres jónindegi bastamasyn qoldaýǵa shaqyrdy
ASTANA. QazAqparat - Keshe Belgradta Eýropadaǵy qaýipsizdik jáne yntymaqtastyq Uıymyna múshe memleketterdiń Syrtqy ister mınıstrleri keńesiniń (EQYU SІMK) kezekti 22-shi otyrysy jumysyn bastady. Onda 2016 jylǵy Serbııanyń tóraǵalyq etýi kezindegi Uıymnyń jumys qorytyndylary shyǵarylyp, kún tártibindegi ózekti máseleler talqylandy. Sharada Qazaqstan delegatsııasyn QR Syrtqy ister mınıstri Erlan Ydyrysov basqardy.
Otyrys barysynda ketip bara jatqan jyl Uıym úshin birqatar sebeptermen aıtýly bolǵany atap ótildi. Onyń ishinde EQYU men eýropalyq qaýipsizdiktiń zamanaýı arhıtektýrasyn qurý úshin negiz bolǵan Helsınkı Qorytyndy Aktisine qol qoıýdyń 44 jyldyǵy, sondaı-aq 2010 jyly uıym sammıtinde Astana deklaratsııasynyń qabyldanýynyń 5 jyldyǵy bar.
Plenarlyq otyrys barysynda EQYU-ǵa qatysýshy 57 eldiń syrtqy saıası vedomstvolarynyń basshylary qaýipsizdik salasyndaǵy, Uıymnyń damý perspektıvalary, «Helsınkı+40» úderisin jalǵastyrý máseleleriniń halyqaralyq kún tártibin talqylady.
Álemde bolyp jatqan oqıǵalardy esepke alyp, forým qatysýshylary yntymaqtastyqty nyǵaıtý, jańa syn-qaterler men qaýipter aıasynda Eýrazııalyq jáne Eýroatlantıkalyq keńistikte teń dıalogty qamtamasyz etý máseleleri boıynsha pikir almasty. Ýkraınadaǵy jaǵdaıdy, reseılik ushaqqa qatysty taıaýda oryn alǵan Reseı men Túrkııa arasyndaǵy qatynastardy retteý perspektıvalary, terrorızmmen jáne ekstremızmmen kúreste EQYU áleýetin nyǵaıtý máseleleri basty taqyryp boldy.
SІMK plenarlyq otyrysynda sóılegen sózinde E. Ydyrysov Taıaý Shyǵystaǵy qaqtyǵystardyń taralýy men EQYU jaýapkershilik aımaǵyndaǵy jaǵdaıǵa tikeleı yqpal etetin «DAISh» tarapynan qaýiptiń artýy aıasynda Uıymnyń basym baǵyty qaýipsizdik pen yntymaqtastyqty nyǵaıtý bolý kerektigin atap ótti. Bul jaǵdaılarda QR SІM Astana deklaratsııasynyń erejelerin is júzinde iske asyrý boıynsha jumystardy jalǵastyrý mańyzdylyǵyna toqtaldy.
Ol sondaı-aq óz áriptesterin BUU Bas Assambleıasynyń 7 jyldyǵy minberinde Qazaqstan Prezıdenti N. Nazarbaevtyń aıtqan lańkestikke qarsy kúreske baǵyttalǵan bastamasyn qoldaýǵa shaqyrdy.
Qazaqstannyń syrtqy saıasat vedomstvosy basshysy sóılegen sózinde EQYU múmkindigine óńir elderin de, elderdiń qaýipsizdigi men ornyqty damýyna múddeli syrtqy faktorlardy da qosa alǵanda, barlyǵy úshin Ortalyq Azııadaǵy ózara tıimdi yntymaqtastyq úshin shek qurýǵa úles qosýdy erekshe atap ótti.
QR SІM baspasóz qyzmetinde habarlaǵandaı, EQYU SІMK plenarlyq otyrysynda E. Ydyrysov EQYU múshe memleketterdiń syrtqy saıası vedomstvolary basshylarynyń dástúrli kezdesýine qatysty, onyń barysynda taraptar atalǵan Uıym kún tártibiniń máselelerin talqylady. Kezdesý qorytyndysy boıynsha jalpy eýropalyq qaýipsizdik júıesinde EQYU róli týraly EQYU-ǵa múshe memleketterdiń syrtqy ister mınıstrleriniń birlesken málimdemesi qabyldandy. Kezdesý aıasynda E. Ydyrysov RF syrtqy ister mınıstri Sergeı Lavrovpen kezdesti, olar ekijaqty yntymaqtastyqtyń ózekti máselelerin talqylady.
