E. Ybraıymov: Golovkın - boks úshin jaralǵan adam
ASTANA. QazAqparat - Gennadıı Golovkın pen Bekzat Sattarhanov - boks úshin jaralǵan daryn ıeleri. Búgin Astanada QR Boks federatsııasynyń 2014 jylǵy jumys qorytyndylaryna arnalǵan jıynnan soń tilshilerge bergen suhbatynda 2000 jylǵy Olımpıada chempıony Ermahan Ybraıymov osyndaı pikir bildirdi.
«Martın Mıýrreı - óte myqty boksshy. Onyń myqtylyǵy sonshalyqty, Golovkınge qarsy 2 raýnd emes, 4 raýnd shydap bere alady», - deıdi E. Ybraıymov. - Kóp degende 4-5 raýnd beremin. Men Gennadııdi kezinde ózim jattyqtyrǵanmyn, shamasyn bilemin. Ol judyryqtasqanda, aldymen qarsylasynyń osal tustaryn izdeıdi. Keıin, álsiz jerlerinen tópeleı beredi», - dep atap ótti ol.
Boks ardageriniń sózine qaraǵanda, Golovkın - óte daryndy boksshy.
«Ol - boks úshin jaralǵan adam. Bekzat Sattarhanov jáne Gennadıı Golovkın sııaqty týma talanttar mıllıonda bir týady(, - dedi E. Ybraıymov.
