«E-úkimettiń» ınteraktıvti qyzmetterin alýda ETsQ-men jumys isteýdiń jeńildetilgen nusqasy tanystyrylady
ASTANA. 22 qarasha. QazAqparat - Erteń elordada «elektrondyq úkimettiń» jańa qyzmetteri men memlekettik organdardyń ınteraktıvti qyzmetterin alýda elektrondy sandyq qoltańbamen jumys isteýdiń jeńildetilgen nusqasy tanystyrylady, dep habarlady «Ulttyq aqparattyq tehnologııalar» AQ-nyń baspasóz qyzmetinen.
Olardyń qatarynda kommýnaldyq qyzmetterdi tóleý, emhanadaǵy dárigerler qabyldaýyna kezekti onlaın-brondaý, balabaqsha kezegine elektrondyq turý syndy jańa qyzmet túrleri bar. Tanystyrylym barysynda elektrondyq qujattardy alýda ETsQ-ny qoldanýdyń tetikteri úıretiledi. Sondaı-aq, qyzyqty suraqtarǵa jaýap beriledi.
Baspasóz konferentsııasyna Baılanys jáne aqparat vıtse-mınıstrleri S. Sársenov pen L. Tanysbaı, «Ulttyq aqparattyq tehnologııalar» AQ basqarma tóraǵasy R.Eńsebaev, «Ulttyq aqparattyq tehnologııalar» AQ basqarma tóraǵasynyń orynbasary T. Ismaǵambetov qatysady.
