«e-úkimet» jónindegi jahandyq forým 2014 jyly Astanada ótýi tıis - BUU ókili
«Qazaqstan elektrondyq úkimetti damytýda jetekshi oryndarda keledi jáne onyń tájirıbesi tek óńirdiń elderi úshin ǵana emes, ótpeli ekonomıka elderine de úlgi bola alady», - deıdi A.Tıhomırov.
Qazaqstandyq «e-úkimettiń» jetistikterine toqtalǵan BUU ókili, sheshimder qabyldaý úderisine respýblıka azamattarynyń belsendi atsalysyp otyrǵanyn atap kórsetti. «Qazaqstan túrli salalardaǵy aqparattyq kommýnıkatsııalyq tehnologııalardy damytýda tabysty eńbek etip keledi. Birneshe jyldyń ishinde respýblıka ilgerileı tústi. Mańyzdy jetistikterdiń birine toqtalar bolsaq, respýblıka e-qatysý ındeksi boıynsha álemde ekinshi orynǵa shyǵyp otyr. Bul azamattardyń memleketpen ózara árekettesý úderisterine aqparattyq kommýnıkatsııalyq tehnologııalardy tereń engizilýiniń aıǵaǵy», - dedi BUU ókili óz sózinde.
«Men Halyqqa qyzmet kórsetý ortalyǵynda boldym. Ondaǵy kórsetiletin qyzmetterdi óz kózimmen kórgim keldi. Halyqpen, olarǵa qyzmet kórsetip otyrǵan qyzmetkerlermen áńgimelestim, maǵan bári unady. Mundaı ortalyqtar TMD-nyń keıbir elderinde joq. Keıbir respýblıkalarda uzynnan uzaq kezekter áli kúnge deıin bar, bul máseleni sheshý óte kúrdeli. Jáne elektrondyq úkimettiń jumysy osyǵan negizdeledi. Jańa qyzmetti qolǵa alǵan elderdiń ózi qol jetkizgen jetistikterine ózderi tań, sebebi qyzmetterdi elektrondyq formatqa aýystyrý myńdaǵan adamnyń eren eńbegin qajet etedi. Degenmen, nátıjesinde, bul jańa format adamdar úshin yńǵaıly jáne jeńil», -dedi elordalyq Halyqqa qyzmet kórsetý ortalyqtarynyń birinde bolǵannan keıin óz oıymen bólisken Alekseı Tıhomırov.
Professor sondaı-aq, BUU-nyń Ekonomıkalyq jáne áleýmettik máseleler jónindegi departamentiniń sarapshylary «Aqparattyq Qazaqstan - 2020» baǵdarlamasyn ázirleýge atsalysqanyn jáne búgingi tańda osy strategııany iske asyrý jónindegi baǵdarlamany birlesip ázirleý týraly kelisimge qol jetkizilip otyrǵanyn aıtty.
