E-úkimet onlaın rejimde shamamen 2 mıllıon aqparattyq, 219 ınteraktıvti jáne tranzaktsııalyq qyzmet kórsete alady
Bul týraly búgin Úkimet otyrysynda QR Kólik jáne kommýnıkatsııa mınıstri Asqar Jumaǵalıev málim etti.
Elektrondy úkimet qyzmetin jaqsartýǵa baǵyttalǵan sharalarǵa memlekettik qyzmetterdi ońtaılandyrý, halyqqa qyzmet kórsetý ortalyqtaryn jańǵyrtý kiretindigin atap ótken mınıstrdiń derekterine sáıkes, elimizdiń elektrondy úkimetiniń damý ındeksi 46 orynǵa, al elektrondy qatysý ındeksi boıynsha 18 orynǵa shyqqan. Al adamı kapıtal boıynsha 192 eldiń ishinde 22-shi orynǵa kóterilgen.
«Elektrondy úkimet ıadrosy qazirdiń ózinde qalyptasty jáne barlyq júıequraýshy salasy jumys istep tur. Bul búginde Qazaqstan halqyna 10 mln-nan astam qyzmet kórsetýge múmkindik beredi», - dedi A.Jumaǵalıev.
Onyń alǵa tartqan derekterine sáıkes, ótken jyly e-úkimet arqyly 8,3 mln qyzmet kórsetilip, 917 myń elektrondy sandyq qoltańba men 3,5 myń elektrondy lıtsenzııa berilgen.
