E.Tursynbaeva «Skate Americada» 4-shi orynǵa, taban tirese, D.Ten 9-shy oryndy mise tutty
ASTANA. QazAqparat - AQSh-ta «ISU GP 2015 Progressive Skate America» mánerlep syrǵanaý Gran-prıiniń birinshi kezeńi aıasynda jeke dara sportshylardyń erikti baǵdarlamalary ótti. Jarysqa Qazaqstan atynan Elızabet Tursynbaeva men Denıs Ten qatysýda dep habarlady Sports.kz..
Qazaqstandyq mánerlep syrǵanaýshy Elızabet Tursynbaeva 4-orynǵa kóterildi. Buǵan deıin ol qysqa baǵdarlamasyn oryndap, 7-orynǵa turaqtaǵan bolatyn. Jalpy esepte 178,56 upaı jınaǵan ol 4-orynǵa taban tiredi. Áıelderdiń dara syrǵanaýy boıynsha jeńis reseılik Evgenııa Medvedevaǵa buıyrdy. Ekinshi oryndy amerıkalyq Greısı Gold ıelense, úshinshi oryndy japondyq Satoko Mııahar aldy.
Al, Denıs Ten Skate America Gran-prıiniń alǵashqy kezeńinde toǵyzynshy nátıje kórsetti. Búgin ótken erikti baǵdarlamada qazaqstandyq mánerlep syrǵanaýshy 11-orynnan kórindi. Qysqa baǵdarlamanyń qorytyndysy boıynsha altynshy oryn alǵan Ten jarystyń qorytyndysynda 9-orynǵa taban tiredi. Onyń jalpy upaıy- 201,52. Al bas júlde amerıkandyq Maks Aaronǵa (258,95) buıyrdy. Ekinshi orynǵa japondyq Shom Ýno (257,43) turaqtansa, úshinshi oryndy qysqa baǵdarlama qorytyndysynan soń 8-orynǵa taban tiregen amerıkalyq Djeıson Braýn (238,47) ıelendi.
