E.Sultanov: Soltústikke qonys aýdarǵandarǵa kókónis sharýashylyǵymen aınalysýǵa múmkindik bar
ASTANA. QazAqparat - Ońtústiktiń eti tiri azamattary soltústikke kelip kókónis sharýashylyǵyn ashýyna bolady. Búgin QR Prezıdenti janyndaǵy Ortalyq kommýnkatsııalar qyzmetindegi brıfıngte Soltústik Qazaqstan oblysynyń ákimi Erik Sultanov osylaı dedi.
Ákim óz sózinde Memleket basshysynyń tapsyrmasyna sáıkes eńbek kúshi kóp ońtústik óńirlerdiń turǵyndaryn soltústikke kóshirý jumystary qolǵa alynǵanyn atap ótti.
«Bizdiń delegatsııa 300 myń adamǵa deıin turatyn barlyq iri aýdandardy aralap shyqty. Bir aýdanda 300 myń adamnyń meken etý bizder úshin qııal-ǵajaıyp sııaqty. Bul jumystar tıimdi júrgizildi. 110 úı daıyndalyp, olarǵa qazirdiń ózinde 18 otbasy kóship keldi. Qalǵandary boıynsha jumystar júrgizilýde», - dedi E.Sultanov.
Onyń aıtýynsha, soltústikke qonystanǵan azmattar usynylǵan barlyq kómekke rızashylyq tanytýda.
«Olardyń basym bóligi bizge kelip, egis jınaý naýqanyna qatysty. Soltústik Qazaqstanda ómir súrý jaıly ekendigine kóz jetkizdi. Jumys bar, jer bar. Ásirese Ońtústik Qazaqstannyń pysyq turǵyndary bizde kókónis sharýashylyǵymen aınalysa alady. Ol úshin bizde jer jetkilikti», - dedi oblys basshysy.
