E.Sýhanberdıeva: QR Tuńǵysh Prezıdenti kúni - táýelsizdigimizdiń sımvoly
ASTANA. QazAqparat - QR Tuńǵysh Prezıdenti kúni bul - bizdiń táýelsizdigimizdiń sımvoly, dedi Astana qalasy Bilim basqarmasy basshysy Elmıra Sýhanberdıeva jańajyldyq bas shyrsha shamdaryn jaǵý saltanatty sharasynda.
«Bul merekege qurmetti qonaq retinde 300 jetim bala qatysty. Áýeli olar «Astana Opera» teatry ǵımaratynda saıahat jasady. Jalpy, sharaǵa Astana mektepterinen 3000 bala qatystyryldy. Bas shyrshanyń jaǵylýy óte qýanyshty boldy. Balalar muny taǵatsyz kútken edi. Bul astanalyq búldirshinder ǵana emes, barlyq balalarǵa qýanysh syılady. Shara jalpy, óte tamasha ótti», - dedi E. Sýhanberdıeva.
