E.Sýhanberdıeva: Bilim - álemdik, tárbıe - ulttyq deńgeıde bolý kerek
ASTANA. QazAqparat - Básekege qabiletti bilimi bar túlek oqytyp shyǵý úshin árbir ustaz úzdiksiz izdeniste bolýy kerek. Búgin elordadaǵy bilim berý qyzmetkerleriniń tamyz keńesin asha otyryp, Astana qalalyq bilim basqarmasynyń jetekshisi Elmıra Sýhanberdıeva osylaı dedi.
Bıylǵy keńestiń taqyryby - «Bilim berýdiń mazmunyn jańartý: bolashaqqa baǵyttaý». Jyl saıyn jańa oqý jylynyń qarsańynda ótkendi saralap, alǵa jospar quratyn tamyz keńesinde jınalyp otyrmyz. Memleketimiz qashan da bilim men tárbıe berý isine erekshe mán berip keledi. Osy sózimizge dálel - Elbasymyz belgilegen «100 naqty qadam» baǵdarlamasy. Atalǵan Ult josparynyń árbir jolynyń mazmunynda bizdiń el jasampaz bolady degen tarıhı úndeý aıqyn kórinedi. Olaı bolsa, bilim berý júıesi jańarady. ıAǵnı, bilim - álemdik, tárbıe - ulttyq deńgeıde bolý kerek. Bul maqsatta ustazdarǵa artylatyn júk qomaqty ekeni sózsiz. Ustazdar qaýymyna osyndaı úlken jaýapkershilik júktelgennen keıin árqashan da izdenis ústinde bolýy kerek»,-deıdi E.Sýhanberdıeva.
Bilim basqarmasynyń basshysy atap ótkendeı, zamanymyzǵa saı, jańa tehnologııalardy meńgerip, ony ári qaraı damytý úshin árbir ustaz óz úlesin qosa bilýi kerek.
