E.Snoýden brıtandyq arnaıy qyzmet jumysyndaǵy «surqııa ádisterdi» jarııa etti
ASTANA. QazAqparat - Búginde qashqynǵa aınalǵan AQSh arnaıy qyzmetiniń qyzmetkeri Edvard Snoýden jarııa etken qujattarǵa sáıkes, brıtandyq arnaıy qyzmet quramynda óz jumystarynda «surqııa ádisterdi» keńinen paıdalanýǵa mamandanǵan jeke bólimshe jumys istegen, dep habarlady VVS.
Syn-qaterlerdi zerdeleý jáne barlaý jónindegi arnaıy top DDoS-shabýyldaryn uıymdastyryp, kompıýterlik vırýstar ázirlegen. Brıtandyq arnaıy qyzmetter jappaı habarlama jiberý ádisin Aýǵanstanda «Tálipter» qozǵalysynyń sodyrlaryna qarsy paıdalanǵan. Bul olardyń kommýnıkatsııalyq júıelerine kedergi keltirýge zor múmkindik bergen.
Arnaıy toptyń negizgi mindeti alaýyzdyq týyndatý arqyly «jaýlardy joıý, álsiretý jáne taratý» boldy. Agentter qysym jasaý quraly retinde áleýmettik jelilerdi keńinen paıdalandy. Olar áshkereleıtin aqparattar taratyp, basqa adamdardyń atynan habarlamalar jiberdi jáne ósek-aıańdy ádeıi týyndatyp otyrdy.
