E.Serǵazındi QR prezıdenttigine úmitker retinde tirkeýden bas tartyldy - QR OSK

ASTANA. QazAqparat - Búgin QR Ortalyq saılaý komıssııasynyń otyrysy ótip, onda QR Prezıdenttigine úmitker Erjan Serǵazındi úmitker retinde tirkeýden bas tartý týraly sheshim qabyldandy.

Atalǵan sheshimdi usynǵan QR OSK múshesi L.Súleımenniń aıtýynsha, Erjan Merekeuly Serǵazın 1971 jyly týǵan. Týmysynan Qazaqstan Respýbılkasynyń azamaty bolyp tabylady. Búgin ol QR Prezıdenttigine kandıdattyń memlekettik tildi erkin meńgergendigin anyqtaý jónindegi lıngvıstıkalyq komıssııanyń otyrysyna qatysyp, emtıhan tapsyrǵan.

«Komıssııanyń qorytyndysy boıynsha ol memlekettik tildi erkin meńgermegen. Sondyqtan QR Prezıdenttigine úmitker E.Serǵazın QR Konstıtýtsııasyna jáne «Saılaý týraly» zańynyń talaptaryna sáıkes emes dep belgilensin jáne ony QR Prezıdentine kandıdat retinde tirkeýden bas tartylsyn degen usynys engizemin», - dedi L.Súleımen.

QR Ortalyq saılaý komıssııasynyń músheleri bul usynysty qoldap, arnaıy sheshim qabyldady.