E sanaty – asa muqtaj 212 myń otbasy memleket baqylaýynda
ASTANA. KAZINFORM – Qazaqstanda 212 myńǵa jýyq úı sharýashylyǵy áleýmettik osal sanatqa jatady. Bul eldegi barlyq úı sharýashylyǵynyń shamamen 3%-y jáne áleýmettik baǵalaýdyń E sanatyna jatady. Eńbek jáne halyqty áleýmettik qorǵaý mınıstri Asqarbek Ertaev mundaı otbasylardy anyqtap, olarǵa memlekettik kómek birinshi kezekte kórsetiletinin aıtty.
Mınıstrdiń sózinshe, E sanaty – áleýmettik osal deńgeıdegi otbasylar. Olardyń tabysy múlde bolmaýy múmkin nemese kedeılik sheginen tómen deńgeıde bolady.
Sondaı-aq uzaq ýaqyt boıy ótelmegen nesıe bereshegi, eńbekke qabiletti otbasy músheleriniń bolmaýy nemese jeke baspanasynyń joqtyǵy da osyndaı jaǵdaıdyń belgilerine jatady.
– Bul sanattaǵy otbasylardyń áleýmettik-ekonomıkalyq jaǵdaıy asa kúrdeli. Olardyń qatarynda qart adamdar, múgedektigi bar adamdar jáne asyraýshysynan aıyrylǵan otbasylar bar. Barlyǵy 212 myń nemese 3% otbasyǵa memlekettik qoldaý birinshi kezekte kórsetilýi kerek, – dedi Asqarbek Ertaev.
Eńbek mınıstri Otbasynyń tsıfrlyq kartasynyń negizgi mindeti – olardyń ótinish berýin kútpesten, avtomatty túrde anyqtaý ekenin eske saldy.
– Áleýmettik ál-aýqat deńgeıine qaraı bólý júıesinde S, D jáne E sanattaryna jatatyn shamamen 4,8 mıllıon úı sharýashylyǵy memlekettik qoldaý sharalaryn alý quqyǵyn saqtaıdy, – dedi ol.
Buǵan deıin Eńbek mınıstri «A» sanatynyń belgilerin ataǵan edi.
Járdemaqy úshin ajyrasýdyń aldyn alý úshin bólek turatyn ata-analar da balanyń otbasy quramyna engiziledi.
Eńbek mınıstri 36 járdemaqynyń 14 túrine ǵana muqtajdyq krıterııi engiziletinin aıtýda.
