E.Saǵadıev sońǵy qońyraý qurmetine uıymdastyrylǵan saltanatty jıynǵa qatysty (FOTO)
ASTANA. QazAqparat - Elordalyq №75 mektep-gımnazııasynda «Sońǵy qońyraý» merekesine arnalǵan saltanatty jıyn ótti. Oǵan QR Bilim jáne ǵylymı mınıstri Erlan Saǵadıev qatysty.
«Sizder jańa álem - bilim álemine qadam bastyńdar. Bul múldem basqa álem. Menińshe ony sizder ýnıversıtettiń birinshi kýrsynda sezine bastaısyzdar. Sizder tereńdetilgen bilim aldyńyzdar, endi UBT-ny sátti tapsyrýlaryńyzǵa tilektespin. Elimizdegi jáne sheteldegi úzdik JOO-larǵa oqýǵa túsińizder», - dedi túlekterge qarata aıtqan sózinde E.Saǵadıev.
Mınıstr bul mekteptiń túlekteri erekshe bilim alǵanyn atap ótti, keleshekte uly ǵalym, uly jazýshy, myqty ınjener bolýlaryn tiledi.
«Biz jáne mektebimiz senderdi maqtan etetin bolaıyq!», - dep qosty Saǵadıev.
Saltanatty sharaǵa basshylyq, túlekter, birinshi synyp oqýshylary qatysty.
QR BǴM aqparatyna sáıkes bıyl QR-da 9 synypta - 244 210 túlek, 11 synypta - 127 411 , olardyń ishinde «Altyn belgi» úmitkerleri - 4 832.
