E. Saǵadıev: Internet Qazaqstandaǵy bilim berý ınfraqurylymynyń negizgi tuǵyrnamasy bolady
ASTANA. QazAqparat - Búgin Astanada halyqpen esepti kezdesýinde QR Bilim jáne ǵylym mınıstri Erlan Saǵadıev bilim berý salasynda keń jolaqty ınternetti engizýdiń ońtaıly qadamdary jaıynda baıandady.
«Biz mektepter men joǵary oqý oryndaryn keń jolaqty ınternetke qosýdy josparlap otyrmyz. Bıyl 2,5 myń mektepti qosamyz jáne taǵy 1,5 myńy aldaǵy úsh jylda qamtylady. Bizdiń maqsat - 2020 jylǵa qaraı keń jolaqty ınternetpen oqýshylardyń 90 paıyzyn, pedagogtardyń 90 paıyzyn jáne JOO stýdentteriniń 100 paıyzyn qamtý. Bolashaqta ınternet bizdiń bilim berý ınfraqurylymynyń negizgi tuǵyrnamasy bolady»,- dedi mınıstr.
Osy rette E. Saǵadıev sońǵy besjylda ınternet-bilim salasynda qýatty serpilis bolǵanyn aıta kele, osynyń nátıjelerin Qazaqstandaǵy bilim berý baǵytynda paıdalaný mańyzdy ekenin jetkizdi.
Onyń sózine qaraǵanda, keń jolaqty ınternet bilimniń jańa tártibin jappaı barsha elimiz boıynsha engizýge, oqýshylardyń bilim alý deńgeıin tez arada teńestirýge múmkindik beredi. Sonymen qatar oqýshylar men stýdentterdiń álemdik bilim berý keńistigine jyldam yqpaldasýyna jol ashady.
