Eýropa lıgasy: «Astana» osy maýsymda qansha tabys tapty

NUR-SULTAN. QazAqparat – «Astana» Eýropa Lıgasynyń toptyq kezeńinde «Manchester United»-ti utyp, Qazaqstan fýtbolyndaǵy tarıhı jeńisine qol jetkizdi. Buǵan qosa óz bıýdjetin toltyrdy, dep habarlaıdy Sports.kz.

Toptyq kezeńdegi alǵashqy jeńisi «Astanaǵa» 570 myń eýro ákeldi. Buryn qazaqstandyq klýbtyń jalpy tabysy bylaı bolǵan: 280 myń eýrony «Astana» Chempıondar Lıgasyndaǵy birinshi irikteý kezeńine qatysqandyǵy úshin, budan keıin – Chempıondar Lıgasynyń ekinshi kezeńine qatysqany úshin 260 myń eýro, úshinshi kezeńine qatysqany úshin 280 myń eýro alǵan edi.

Chempıondar Lıgasyna shyqqany klýb óz bıýdjetin taǵy 2,92 mıllıon eýroǵa kóbeıtti. Qazirgi ýaqytta «Astananyń» eýro maýsymyndaǵy tapqan tabysy 4,31 mıllıon eýrony quraıdy.

Al, budan basqa astanalyq klýbqa tólenetin marketıngtik jáne telequqyqqa baılanysty qarjy maýsymnyń sońynda belgili bolmaq.