E. Rahmon basym kópshiliktiń daýysymen Tájikstannyń prezıdenti bolyp qaıta saılandy
ASTANA. 7 qarasha. QazAqparat - Tájikstan saılaý komıssııasynyń aldyn ala málimetteri boıynsha, Emomalı Rahmon prezıdent saılaýynda saılaýshylardyń 83,6 paıyz daýysyna ıe bolyp, qaıtadan jeti jyl merzimge prezıdent bolyp saılandy, dep habarlady RIA «Novostı».
Saılaýdyń qorytyndysy daýys berýden keıin on kún ishinde jarııalanýy kerek.
Bir qyzyǵy, dál saılaý bolǵan kúni birneshe ınternet-provaıderler aldyn ala eskertýsiz Tájikstandaǵy YouTube vıdeohostıngisine jáne ózge de ınternet portaldarǵa kirý múmkindigine tosqaýyl qoıǵan, dep habarlady «Bı-Bı-Sı-diń reseılik qyzmetinen».
Internet-kompanııanyń basshylyǵy bul jaǵdaıdy tehnıkalyq sebepterge baılanysty dep túsindirdi. Olar bılikten bul saıttardy jabý týraly buıryq aldyq dep rastamady, alaıda almadyq dep joqqa da shyǵarmady.. Tájikstannyń baılanys qyzmeti bolǵan jaǵdaıǵa baılanysty eshqandaı túsinikteme bergen joq.
