E.Nysanbaev: Sý resýrstaryn basqarý membaǵdarlamasyn iske asyrý jospary taıaýda Úkimette bekitiledi
ASTANA. QazAqparat - Sý resýrstaryn basqarý memlekettik baǵdarlamasyn iske asyrý sharalarynyń jospary taıaýda Úkimette bekitiledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Qorshaǵan orta jáne sý rýsýrstary vıtse-mınıstri Erlan Nysanbaev málim etti.
Onyń atap ótýinshe, Qazaqstannyń sý resýrstaryn basqarýdyń memlekettik baǵdarlamasyn bekitý týraly Elbasy Jarlyǵyna sáıkes, Qorshaǵan orta jáne sý resýrstary mınıstrligi ony iske asyrý boıynsha is-sharalar josparynyń jobasyn ázirledi.
«Qazir múddeli memlekettik organdarda kelisýden ótýde jáne jaqyn aralyqta Úkimettiń bekitýine engiziletin bolady», - dedi E.Nysanbaev.
Vıtse-mınıstrdiń sózine qaraǵanda, 2014-2040 jyldary aralyǵynda baǵdarlamany júzege asyrý úshin 8,2 trln. teńge qajet. Onyń 5,4 trln. teńgesi respýblıkalyq jáne jergilikti bıýdjetten bólinetin bolady. Al 2,8 trln. teńgesi - bıýdjetten tys qarajat.
