E. Mýnkanyń «Aıqaı» týyndysy 120 mln. AQSh dollaryna satyldy

Bul jaıynda Ýtro.rý habarlaıdy. Osy arqyly atalǵan shyǵarma tarıhta eń qymbat polotnolardyń birine aınaldy.

Nıý-Iorktegi Sotheby's aýktsıonynda onyń bastapqy quny 50 mln. dollardy qurady. 15 mınýt ishinde kartınaǵa 7 úmitker talasty. Nátıjesinde, bul týyndyny atalǵan saýdaǵa telefon arqyly qatysqan satyp alýshy ıelendi. Onyń esimi jarııa etilgen joq. Mýnkanyń kartınasynan túsken qarjy Norvegııadaǵy murajaı men óner ortalyǵynyń qurylysyna baǵyttalmaq,-dep habarlap otyr VVS.