«E- Lerning» jobasymen 2020 jylǵa qaraı mektepterdiń 90 paıyzy qamtylady - Bilim mınıstri
ASTANA. 18 maýsym. QazAqparat -«E- Lerning» jobasymen 2020 jylǵa qaraı mektepterdiń 90 paıyzy qamtylady.
Bul týraly búgin Májilistegi Úkimet saǵatynda Bilim jáne ǵylym mınıstri Baqytjan Jumaǵulov málim etti.
Mınıstrdiń aıtýynsha, qazirgi tańda bilim sapasyn baqylaıtyn tıisti óńirlik qurylymdar qurylyp otyr. «Jalpy búgingi tańda damyǵan elderde bilim sapasyna memleket tarapynan bir ortalyqtan baqylaý tetigi kúsheıtilgen. Mundaı baqylaýdy mınıstrlik aımaqtyq bólimsheler arqyly júzege asyryp keledi. Bul tájirıbe Shvetsııada, Ulybrıtanııada, Frantsııada, Japonııada, Fınlıandııada jáne basqa da elderde bar», - deıdi mınıstr.
Onyń aıtýynsha, qazirgi tańda orta bilim berý júıesinde «E- Lerning» ilki jobasy iske asa bastady. Oǵan qazirge deıin 537 uıym qosylǵan.
«2020 jyly osy jobamen mekteptiń 90 paıyzy qamtylatyn bolady», - deıdi mınıstr.
