«E-learning» júıesine 581 bilim berý uıymy qosyldy
ASTANA. 2 qyrkúıek. QazAqparat - Qazaqstanda elektrondyq bilim berý júıesi 581 bilim berý uıymyna engizildi, dep habarlaıdy pm.kz saıty QR Bilim jáne ǵylym mınıstrliginiń baspasóz qyzmetine silteme jasap.
«E-learning» júıesine 581 bilim berý uıymy qosyldy, 2013 jyly joba 926 uıymdy qamtıtyn bolady», - delingen vedomtsvonyń habarlamasynda.
QR BǴM aqparyna qaraǵanda, 2014 jyly elektrondyq oqytý júıesi 1317, 2015 jyly 1311 bilim berý mekemesine engiziledi.
«E-learning» jobasyna qatysatyn bilim berý mekemelerin Internettiń 4-10 Mbıt/s-ke deıingi keń jolaqty jelisine qosý qamtamasyz etiledi, pedagogterdiń kabınetterdegi jáne muǵalimder bólmelerindegi jumys oryndary jeke kompıýterlik tehnıkamen, ınteraktıvti qondyrǵylarmen jabdyqtalǵan. Sonymen qatar, ár mektepte jáne kolledjderde statsıonarlyq jáne ońtaıly kompıýterlik synyptar, sondaı-aq kitaphanada jumys orny uıymdastyrylǵan.
Sonymen qatar, joba aıasynda oqýshylar úshin sandyq bilim berý resýrstary jasaqtalýda. 2012 jyly 6 mektep páni men kolledjdiń 8 mamandyǵynyń 38 páni boıynsha 7043 elektrondyq resýrs ázirlenýde. Jańa oqý jylynda olardy 2-den 11-ge deıingi synyptardyń hımııa, matematıka, fızıka, qazaq tili pánderi sabaqtaryna engizý bastalady.
