«E-learning» jobasy engizý 15 mlrd. teńge turady
ASTANA. 19 qarasha. QazAqparat - Qazaqstanda «e-learning» jobasyn engizý shyǵyndary 15 mlrd. teńge qarajatty qajet etedi. Bul týraly búgin Májilistegi Áleýmettik-mádenı damý komıtetiniń keńeıtilgen otyrysynda Bilim jáne ǵylym mınıstrliginiń Jaýapty hatshysy Álııa Ǵalymova osylaı málim etti.
Jaýapty hatshynyń sózine qaraǵanda, bıyl aıtýly jobany qarjylandyrýǵa bıýdjetten 5 mlrd. teńge qarastyrylsa, bıýdjetten qosymsha 10 mlrd. teńge kózdelgen. «Qarajat negizinen «e-learning» jobasyn ár túrli segmentter boıynsha iske asyrýǵa jumsalady. Atap aıtqanda, kompıýterlik jabdyqtardy satyp alýǵa, ǵalamtormen qamtamasyz etýge, sonymen qatar bilim berýdi sandyq ázirleýge jumsaldy. Sonyń ishinde bilim berýdiń sandyq resýrsyn ázirleýge 15 mlrd. teńgeniń 3 mlrd. teńgege jýyǵy qarastyrylǵan», - dedi Á. Ǵalymova. Onyń aıtýynsha, jabdyqtardy jetkizýmen memlekettik «Ulttyq aqparattyq tehnologııalar» kompanııasy aınalysady.
