«E-qyzmet» kadrlyq jumystaǵy bıýrokratııalyq úrdisterdi joıýǵa kómektesedi - Memlekettik qyzmet personalyn basqarý ulttyq ortalyǵynyń vıtse-prezıdenti
QARAǴANDY. QazAqparat - Búgin QR Memlekettik qyzmet isteri jáne sybaılas jemqorlyqqa qarsy is-qımyl agenttigi «Memlekettik qyzmet personalyn basqarýdyń yqpaldastyrylǵan aqparattyq júıesi» taqyrybynda semınar ótkizdi, dep habarlaıdy «Memlekettik qyzmettiń personalyn basqarý ulttyq ortalyǵy» AQ-nyń jetekshi sarapshysy Janar Mahmudaeva.
Semınar jumysyna Qaraǵandy oblysynyń 100-ge jýyq memlekettik qyzmetkeri, onyń ishinde barlyq óńirlik jáne qalalyq ákimdikteriniń ókilderi qatysty. Memlekettik qyzmet isteri Agenttiginiń Qaraǵandy oblysy boıynsha departament jetekshisi Qaıyrjan Tokýshev jáne Oblys ákimi apparaty kadr bóliminiń jetekshisi Jámıla Nurkenova qatysýshylarǵa óz jyly lebizderin bildirdi.
«Memlekettik qyzmet personalyn basqarý ulttyq ortalyǵy» AQ vıtse-prezıdenti Isataı Saǵyndyqov memlekettik qyzmet personalyn basqarýdy jetildirýdegi «E-qyzmet» yqpaldactyrylǵan aqparattyq júıesiniń mańyzdylyǵyn atap ótti. Ol atalmysh júıeni engizý - qaǵaz túrindegi qujat aınalymynyń qysqarýy, kadrlyq jumystaǵy bıýrokratııalyq úrdisterdiń avtomattandyrylýy jáne memlekettik qyzmetke úmitkerlerdi irikteý konkýrstarynyń ashyqtyǵyn joǵarylatýda óz septigin tıgizetindigin atap ótti.
QR Memlekettik qyzmet isteri jáne sybaılas jemqorlyqqa qarsy is-qımyl agenttigi josparlaý jáne bıýdjet bólimi meńgerýshisiniń orynbasary Ońǵarbaı Dánebekov semınar qatysýshylaryn «e-qyzmet» júıesi qyzmetiniń negizgi qaǵıdalarymen tanystyryp, osy jobanyń sátti júzege asýy nátıjesinde, personaldy basqarý jumysy tıimdiliginiń halyqaralyq tájirıbege saı joǵarylaıtyndyǵyn atap ótti.
Al memlekettik qyzmet personalyn basqarý salasyndaǵy úzdik eýropalyq tájirıbe retinde golland úlgisi - P-Direkt týraly EO jobasy sheshýshi sarapshylary Konstantın Sokýlskıı men Maksımılıan Fedınger baıandady. P-Direkt - Nıderlandy Koroldiginiń 10 mınıstrliktiń adamı resýrstardy basqarý qyzmetteriniń kadrlyq úderisterin ortalyqtandyrý men standarttaýǵa arnalǵan úkimettik uıymy. Osy júıeni engizý nátıjesinde úkimettiń ákimshilik shyǵyndary qysqardy jáne kórsetilip otyrǵan HR-qyzmetteriniń sapasy anaǵurlym joǵarylady.
Eýropalyq Odaqtyń «Qazaqstan úkimeti memlekettik qyzmeti reformasy jáne modernızatsııasy» jobasy - memlekettik basqarý máseleleri boıynsha eýropalyq tájirıbeni Qazaqstanda ıntegratsııalaý maqsatynda júzege asatyn halyqaralyq bastama. Joba komponentteriniń biri memlekettik organdardaǵy kadrlyq qyzmetterdiń áleýetin joǵarylatýǵa jáne «E-qyzmet» yqpaldactyrylǵan aqparattyq júıesin júzege asyrýda saraptyq qoldaý kórsetýge baǵyttalǵan. Jobanyń jalpy bıýdjeti - 4,6 mıllıon evro.
