E.Qojaǵapanov dene tárbıesi muǵalimderine qosymsha tólemder kólemin arttyrýdy usyndy
ASTANA. 9 shilde. QazAqparat - Mektepterde sporttyq sektsııalardy ótkizetin dene tárbıesi muǵalimderine qosymsha qarjylyq tólem jasaý tetigin retteý kerek.
Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov málim etti.
«QR Bilim jáne ǵylym mınıstrliginiń málimetine sáıkes, 2012 jyly sport sektsııalarymen qamtylǵan oqýshylardyń úlesi 27 paıyzdy qurady. Álemdik tájirıbede sporttyq sektsııalarmen 80 paıyzdan astam oqýshylar qamtylǵan»,-dedi agenttik basshysy.
Onyń aıtýynsha, mektepterde sabaqtan tys sporttyq daıyndyqtardy ótkizýge dene tárbıesi muǵalimderine bazalyq laýazymdyq eńbekaqydan 45 paıyz kóleminde qosymsha tólem qarastyrylǵan. Alaıda, júrgizilgen taldaýǵa qaraǵanda, aıyna 7 myń teńgeden astam atalǵan qosymsha tólem bilim berý uıymdarynyń tek 45 paıyzynda iske asyrylady.
«Bul óz kezeginde oqýshylar arasynda buqaralyq sportty damytýdyń áleýetin aıtarlyqtaı tómendetip, dene tárbıesi oqytýshylarynyń sabaqtan tys sektsııalardy ótkizýge yntalandyrmaıdy»,-dedi E. Qojaǵapanov.
Sóz sońynda ol atalǵan tólemder deńgeıin arttyrý kerektigin atap ótti.
