E.Qazyhanov Ýkraına SІM-ine «Sýhodolskaıa-Vostochnaıa» shahtasyndaǵy qaıǵyly oqıǵaǵa baılanysty kóńil aıtty
ASTANA. 29 shilde. QazAqparat - Qazaqstan Respýblıkasynyń Syrtqy ister mınıstri Erjan Qazyhanov Ýkraına SІM basshysy Konstantın Grışenkoǵa kóptegen adam shyǵynyna alyp kelgen Lýgansk oblysyndaǵy «Sýhodolskaıa-Vostochnaıa» shahtasyndaǵy qaıǵyly oqıǵaǵa baılanysty kóńil aıtyp, jedelhat joldady.
Bul týraly QR SІM baspasóz qyzmeti habarlady.
«Kóptegen adamnyń ómirin qıǵan Lýgansk oblysyndaǵy «Sýhodolskaıa-Vostochnaıa» shahtasyndaǵy qaıǵyly jaǵdaı týraly aqparatty qınala otyra estidim, delingen jedelhat mátininde. - Osy qaraly kúnde biz qaıǵyǵa ortaqtasyp, qaza tapqandardyń týǵan-týysqandary, otbasylary men jaqyndaryna kóńil aıtamyz».
Esterińizge sala keteıik, juma, 29 shilde kúni saǵat 2:00 shamasynda «Sýhodolskaıa-Vostochnaıa» shahtasynyń jerasty jolynda jarylys bolyp, nátıjesinde 16 kenshi qaza boldy, úsh kenshi túrli deńgeıdegi jaraqattarmen aýrýhanaǵa jatqyzyldy. Taǵy 10 kenshiniń taǵdyry ázirge belgisiz.
