E.Qaıyrov QR Indýstrııa jáne jańa tehnologııalar mınıstrliginiń ınvestıtsııalar jónindegi komıtetiniń tóraǵasy qyzmetine taǵaıyndaldy
ASTANA. 22 aqpan. QazAqparat - Erlan Qaıyrov QR Indýstrııa jáne jańa tehnologııalar mınıstrliginiń ınvestıtsııalar jónindegi komıtetiniń tóraǵasy qyzmetine taǵaıyndaldy. Bul týraly QR IJTM-niń baspasóz qyzmetinen habarlandy.
Qaıyrov Erlan Qartaıuly 1978 jyly 15 maýsymda Qaraǵandy qalasynda dúnıege keldi.
Ol E.A.Bóketov atyndaǵy QarMÝ-di «Halyqaralyq ekonomıkalyq qatynastar» mamandyǵy boıynsha támamdady.
M.V. Lomonosov atyndaǵy Máskeý memlekettik ýnıversıteti janyndaǵy qaıta daıarlaý ınstıtýtynda jáne Dúnıejúzilik banktiń Ekonomıkalyq damý ınstıtýtynda oqydy.
1999-2001 jyldar aralyǵynda memlekettik organdarda syrtqy ekonomıkalyq baılanystar salasynda qyzmet etti.
2002-2004 jyldar aralyǵynda QR Premer-Mınıstriniń keńsesi syrtqy baılanystar bólimi meńgerýshisiniń orynbasary boldy.
2004-2006 jyldar aralyǵynda - QR Prezıdenti Ákimshiligi syrtqy saıasat ortalyǵynyń bas ınspektory.
2006 jyly QR Ekonomıka jáne bıýdjettik josparlaý mınıstrligi apparatynyń basshysy boldy.
2006-2007 jyldarda -«Atameken» kásipkerler jáne jumys berýshiler odaǵy basqarmasy tóraǵasynyń orynbasary, basqarma tóraǵasynyń keńesshisi.
2007-2010 jyldar aralyǵynda - «Qazaqtelekom» AQ-nyń syrtqy baılanystar jónindegi atqarýshy dırektory.
2010 jyly «KAZNEX INVEST» eksport jáne ınvestıtsııalar jónindegi ulttyq agenttiktiń Eýropa elderi boıynsha óńirlik dırektory.
2011 jyldyń aqpan aıynan bastap - QR Indýstrııa jáne jańa tehnologııalar mınıstrliginiń ınvestıtsııalar jónindegi komıtet tóraǵasynyń orynbasary.
