E-qatysý ındeksi boıynsha Qazaqstan ekinshi orynǵa kóterildi

ASTANA. 29 aqpan. QazAqparat - «Qazaqstan elektrondyq úkimettiń damýy boıynsha BUU reıtınginde birneshe satyǵa kóterildi», - dep jazdy Úkimet basshysy  Kárim Másimov Twitter-ge. 

Birikken Ulttar Uıymy júrgizgen zertteý Uıymǵa múshe 190 memleketti elektrondyq úkimettiń damýy boıynsha salystyrmaly baǵalaý bolyp tabylady. Mundaı zertteý 2003 jyldan beri jáne eki negizgi ındeks boıynsha: e-úkimettiń damý ındeksi jáne e-qatysý ındeksi boıynsha júrgizilip keledi. 

Zertteýdiń qorytyndysy boıynsha Qazaqstan (2010 jylmen salystyrǵanda) 8 baǵamǵa, 46-shy orynnan 36-shy orynǵa kóterildi. Onyń ústine onlaın-qyzmetter ındeksi -10 baǵamǵa, telekommýnıkatsııalyq ınfraqurylym ındeksi - 14 baǵamǵa kóterildi. 

E-qatysý ındeksi boıynsha Qazaqstan Sıngapýrmen birge 2-shi oryndy bólisti. Bul ındeks azamattardyń úkimetpen onlaın-habarlasý (blogtar, tvıtter, áleýmettik jeliler, Internet-konferentsııalar) múmkindikterin anyqtaıdy. 

Úkimettiń úkimettik emes sektormen yntymaqtastyqqa da úlken mán berip otyrǵanyn aıta ketý kerek. 

Qosymsha aqparatty www.pm.kz saıtynan qarańyzdar.