E. Qarın: Qaýipsizdiktiń túıindi máselelerin sheshýdegi qadamdar júıeli ári keshendi bolýy tıis
ASTANA. QazAqparat - Qaýipsizdiktiń túıindi máselelerin sheshýdegi qadamdar júıeli ári keshendi bolýy tıis. Bul týraly búgin QR Syrtqy ister mınıstrliginde QR Prezıdenti janyndaǵy Strategııalyq zertteýler ınstıtýtynyń dırektory Erlan Qarın málim etti.
«Búginde bolyp jatqan daǵdarystardyń saldary qaqtyǵystar kez kelgen jerde tutanýy múmkin ekenin taǵy da kórsetip otyr. Bundaı shıelenisterge ártúrli problemalar sebep bolýy yqtımal. Sáıkesinshe, qaýipsizdiktiń túıindi máselelerin sheshýdegi qadamdar men qatynastar, reaktsııalar júıeli ári keshendi bolýy tıis»,-dedi E. Qarın «Helsınkı qorytyndy aktisiniń (1975) jəne Astanadaǵy Sammıttiń (2010) mereıtoıyna arnalǵan EQYU jetistikteri men qaterleri» atty halyqaralyq konferentsııada. Sonymen qatar, ol BUU-nyń málimetteri boıynsha sońǵy bes jylda álemde 15 jańa qaqtyǵys oryn alyp, onyń eshqaısysy sheshilmegenin atap ótti. «Osy qaqtyǵystardyń kóbisi qarýly shıelenisterge ulasty. Sondyqtan da, Qazaqstan Prezıdenti N.Nazarbaev Astanadaǵy Sammıtte (EQYU) ótken ǵasyrda qalyp¬tas¬qan trans-atlantıkalyq ıntegratsııa oryndy túrde trans-eýrazııalyq ıntegratsııamen tolyǵýy múmkin ekenin aıtqan», - dedi E. Qarın.
