«E-Islam» portaly jas urpaq sanasyna dástúrli ıslam qundylyqtaryn sińirý ári teris pıǵyldy dinı ıdeologııa keselinen saqtaý jumystaryn atqarady
ASTANA. 28 qarasha. QazAqparat - «E-Islam» portaly jas urpaq sanasyna dástúrli ıslam qundylyqtaryn sińirý ári teris pıǵyldy dinı ıdeologııa keselinen saqtaý jumystaryn atqarady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde atalǵan portaldy tanystyrýǵa arnalǵan brıfıngte saıttyń bas redaktory Jasulan Ábdiramanov aıtty.
Onyń atap ótýinshe, portal zaıyrly qoǵamǵa tán qaǵıdalardy berik ustanbaq. Portal jarııalanymdary dástúrli ıslam dininiń negizigi qaǵıdalary men qazaq jurtynyń salt-dástúrleri arasyndaǵy ózara baılanysty ashyp kórsetedi. «Osy arqyly biz jas urpaq sanasyna dástúrli ıslam qundylyqtaryn sińirý men teris pıǵyldy dinı ıdeologııa keselinen saqtaý jumystaryn atqaratyn bolamyz. Portalda qazaq, orys tilderinde jastardy teris pıǵyldy jat aǵymdardan ári kúmándi ǵalamtor kózderinen alastaýǵa yqpal etetin 2 myńnan asa materıaldar qory ornalastyrylǵan», - dedi J.Ábdiramanov. Sonymen qatar portaldyń bas redaktorynyń aıtýynsha, onda kúndelikti aqparattardan bólek tartymdy, mańyzy men salmaǵy zor maqalalar, suhbattar kópshilik nazaryna usynylady.
