«E-Islam» gazeti jaryqqa shyqty
ASTANA. QazAqparat - QR «Dintanýshylar kongresi» qoǵamdyq birlestigi tarapynan qolǵa alynǵan «E-Islam» aqparattyq-aǵartýshylyq portalynyń «E-Islam» rýhanı-aǵartýshylyq gazeti baspa betinen jaryqqa shyqty, dep habarlaıdy muslim.kz.
Búginde BAQ salasynda áleýmettik jelilerdiń, ınternet-basylymdardyń orny aıryqsha ekeni belgili. Bul baǵytta «E-Islam» portaly bir jarym jyl ishinde ǵalamtor keńistiginde óz aýdıtorııasyn qalyptastyryp úlgerdi.
Dástúrli dinı ustanym men memlekettiń ishki turaqtylyǵyna oń yqpal eterlik rýhanı basylymdardyń qajettiligin búgingi kún kórsetip otyr. El musylmandaryn rýhanı ortaq tájirıbe men tanym tuǵyrnamasynda biriktirý maqsatynda durys dinı bilim men senimdi aqparat, rýhanı dárister, tanymdyq materıaldardy kóptep jarııalaý kún tártibindegi mańyzdy máseleler qatarynda. Dinı saýattylyq óz kezeginde din atyn jamylǵan ekstremızm, radıkalızm sekildi aǵymdardyń aldyn alýǵa oń yqpalyn tıgizbek. Osyndaı maqsat-múddege saı «E-Islam» respýblıkalyq rýhanı-aǵartýshylyq gazeti aptasyna 1 ret 8 bettik kólemde basylyp shyǵatyn boldy. Respýblıkanyń barlyq meshitteri men dinı birlestik ortalyqtaryna tegin taratylatyn basylym ıslam dininiń durys taralýyna qyzmet etedi. Basylymnyń alǵashqy sany Astana qalasyna taratyldy. Aldaǵy ýaqytta óńirlerdegi suranysqa sáıkes respýblıka kóleminde taralady.
