«E-gov» portaly arqyly 8,5 mıllıonǵa jýyq anyqtama berildi
TANA. 9 qarasha. QazAqparat /Marlan Jıembaı/ - «E-gov» portaly arqyly 8,5 mıllıonǵa jýyq anyqtama berildi, dep habarlady QR Baılanys jáne aqparat mınıstrliginiń baspasóz qyzmetinen.
Vedomstvonyń atap ótýinshe, aǵymdaǵy jyldyń 27 qazanyna «e-gov» portalynda 95 933 qoldanýshy tirkelgen. bul kórsetkish 27 qyrkúıekte 77 918 qoldanýshyny quraǵan bolatyn. Jalpy búgingi kúni 759 450 elektrondy tsıfrlyq qoltańba berilgen. Sonymen qatar portal arqyly berilgen elektrondy anyqtama sany 8 440 763-ke jetip otyr.
«E-gov» portalynda jeke tulǵanyń jyljymaıtyn múlikke tirkelgen quqyqtary týraly, jeke tulǵanyń jyljymaıtyn múliginiń joqtyǵy (bar bolýy) týraly, salymshy qarajatynyń túskendigi jáne qozǵalysy týraly anyqtamalar jáne áleýmettik jeke kod týraly kýáliktiń tólnusqasyn berý zor suranysqa ıe bolyp otyr.
