«e-Gov.kz» portalynda memlekettik qyzmetterdi talqylaý jónindegi servıs iske qosyldy
Endi «eGov.kz» portalynda iske qosýǵa josparlanǵan qyzmetterdi talqylaý jónindegi servıs qyzmet ete bastaıdy. Bul týraly atalǵan portaldyń baspasóz qyzmetinen habarlandy.
«Azamattar osy arqyly daıarlaý úderisine qatysyp, qandaı da bir qyzmet túrleri boıynsha usynystardy bere alady. Atalǵan servıs ol memlekettik qyzmetterdi ońtaılandyrý men qyzmetterdi berýdiń sapasyn jaqsartýdyń qorytyndy nátıjesine áser etýdiń naqty múmkindigi» - deıdi «Elektrondyq úkimet» quzyret ortalyǵynyń dırektory Tımýr Baıjumanov.
Іske qosýǵa josparlanǵan qyzmetter boıynsha azamattardyń túsiniktemelerin qaldyrý jumysy óte qarapaıym: www.egov.kz saıtyna enip, basty bette «Qyzmetterdi talqylaý» taraýyn tańdaý qajet. Sosyn ashylǵan «terezede» paıdalanýshy ózin qyzyqtyratyn jobany tańdaıdy jáne óziniń eskertýin qaldyrady. Portalda avtorızatsııalaýdyń qajeti joq - Google, Facebook, Twitter, Disqus nemese Yahoo jelilerindegi ózderiniń eseptik jazbalarynyń birimen enýi jetkilikti.
Qazirgi kezeńde «eGov.kz» ártúrli qyzmetteriniń 19 jobasy talqylaýǵa usynyldy. Olardyń ishinde turǵylyqty orny boıynsha tirkeý jáne tirkeýden alý, tólqujatty jáne jeke kýálikti berý, avtomobılderdi tirkeý jáne nómirlik belgilerdi alý qyzmetteri bar.
Talqylaý barysyna jańa qyzmetterdi ázirleýshiler tikeleı qatysady. Olar barlyq kelip túsken túsiniktemelerdi qabyldap qana qoımaı, olarǵa jaýap beredi. Sonymen qatar «elektrondyq úkimet» mamandary naqty memqyzmetti avtomattandyrý qalaı júretinin, ony alý qanshalyqty qysqaratynyn, ony alý úshin qandaı qujattar qajet ekendigin (jalpy qajet pe) naqtyraq sıpattap beredi.
Taraýda barlyǵy iske qosýǵa josparlanǵan qyzmetterdiń 50-den astam jobasy, ruqsat berý qujattarynyń 80-ge jýyq jobasy ornalastyrylatyn bolady.
Sonymen qatar, aǵymdaǵy jyldyń sońynda 60 paıyz, 20123 jyldyń sońynda - 100 paıyz áleýmettik mańyzy bar memlekettik qyzmetter elektrondyq formatqa kóshiriletinin taǵy da eske salǵymyz keledi.
