E-gov-qa jasandy ıntellekt engiziledi
ASTANA. QazAqparat - E-gov-qa jasandy ıntellekt engiziledi. Bul týraly búgin Úkimettiń selektorlyq rejimdegi otyrysynda QR Aqparat jáne kommýnıkatsııalar mınıstri Dáýren Abaev málim etti, dep habarlaıdy QazAqparat tilshisi.
"2018 jyly elektrondy úkimettiń damý deńgeıi boıynsha Birikken Ulttar Uıymy ótkizgen zertteýler nátıjesinde, Qazaqstan 39-shy oryndy ıelendi. Bul damý qarqyny óte joǵary memleketter arasyndaǵy kórsetkish. Bizdiń elektrondy úkimet qazir EGOV 2.0. satysynda. «Tsıfrlyq Qazaqstan» memlekettik baǵdarlamasynyń aıasynda biz e-GOV 3.0, satysyna kóterilý jumystaryn júrgizýdemiz. Bul saty Ońtústik Koreıa, Avstralııa, Sıngapýr, Ulybrıtanııa men Danııada qoldanylyp jatyr", - dedi ol.
Osy rette mınıstr E-gov 3.0 satysyna tolyǵyraq toqtaldy.
"Eń aldymen bul - «Jasandy ıntellekt», «Proaktıvti qyzmetter», «Internet zattar» men taǵy basqa da tehnologııalyq artyqshylyqtar. 2021 jyly biz E-gov 3.0 satysyna tolyq kóshýdi josparlap otyrmyz. Degenmen qazir bul satynyń keıbir elementteri engizilip te qoıdy. Mysaly: aqparattyq júıelerdiń ıntegratsııasy óndirilýde. Sonymen qatar, «Smart Brıdj» jobasynyń aıasynda jasandy ıntellekt elementteri engizilip, proaktıvti qyzmetter júzege asyrylady", - dedi Dáýren Abaev.
Foto: fcis.kz
