E. Ertisbaev QFF departamentiniń dırektory bolǵan joq
ASTANA. 13 qarasha. QazAqparat - QR Prezıdentiniń keńesshisi Ermuhamet Ertisbaev QFF-nyń Qoǵammen baılanys jónindegi departamenti jumysyna qoǵamdyq negizde jetekshilik etetin bolady.
Al buǵan deıin ol Qazaqstan fýtbol federatsııasynyń osy qurylymyn basqarady dep habarlanǵan bolatyn.
Bul týraly QFF-nyń osy departamenti basshysy Izmaıl Bzarov habarlady, dep jazdy Vesti.kz .
«Kelesi jyly qoǵammen baılanys jónindegi departamenttiń jumysyn kúsheıtý josparlanýda. Ermuhamet Ertisbaev qoǵamdyq negizde QFF-nyń BAQ-tarmen jumysyna jetekshilik etetin bolady.Bundaı bastamamen ol jýyrda ótken federatsııanyń atqarýshy komıtetinde sóz sóıledi, ol biraýyzdan maquldandy», - dedi I. Bzarov.
Esterińizge sala keteıik, E. Ertisbaev qoǵamdyq negizde QFF atqarýshy komıtetiniń múshesi bolyp tabylady. Sonymen qatar ol QR Prezıdentiniń keńesshisi bolyp qala beredi.
