E.Dosaev: Úkimette óńirlik saıasat salasyndaǵy ókilettilikti bólý máselesi qarastyrylady

ASTANA. 4 qarasha. QazAqparat - Úkimette óńirlik saıasat salasyndaǵy ókilettilikti bólý jónindegi Ekonomıka jáne bıýdjettik josparlaý mınıstrliginiń usynysy qarastyrylady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ekonomıka jáne bıýdjettik josparlaý mınıstri Erbolat Dosaev aıtty.

Onyń atap ótýinshe, ekonomıkalyq saıasatty úılestirý, boljamdy shemany jasaý men ózektendirýge baǵyttalǵan jumys QR Ekonomıka jáne bıýdjettik josparlaý mınıstrligine, al ony iske asyrý men baqylaý Óńirlik damý mınıstrligine júktelmek.

«Óńirlik damý mınıstrligine aımaqaralyq kelisimdilikti qamtamasyz etý maqsatynda jobalardy Indýstrııalandyrý kartasyn talqylaý men kelisim jasaýǵa tolyq quqyq berý usynylýda. Atalǵan usynystar erteń Úkimet otyrysynda talqylanady», - dedi E.Dosaev.

Esterińizge sala keteıik, 11 qazanda ótken Úkimettiń keńeıtilgen otyrysynda Elbasy Nursultan Nazarbaev Ekonomıka jáne bıýdjettik josparlaý mınıstrligi men Óńirlik damý mınıstrligi arasyndaǵy ókilettilikti naqty bólýdi tapsyrǵan bolatyn.