E.Dosaev: Úkimet shtaty qysqarmaıdy
ASTANA. QazAqparat - Ortalyq jáne jergilikti bılikke birqatar ókilettigin bergenimen Úkimettiń shtaty qysqarmaıdy. Bul týraly búgin Senatta «QR Úkimeti týraly» QR Konstıtýtsııalyq Zańyna ózgerister engizý týraly» QR Konstıtýtsııalyq Zańynyń jobasy, «QR-nyń keıbir zańnamalyq aktilerine memlekettik basqarý deńgeıleri arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» QR Zańynyń jobasy boıynsha baıandama jasaǵan Ulttyq ekonomıka mınıstri Erbolat Dosaev aıtty.
«Úkimet keńsesiniń shtaty azaımaıdy», - dedi ol senatorlar tarabynan qoıylǵan saýalǵa oraı.
Aıta keteıik, búgin E.Dosaev Úkimetten 2442 fýnktsııanyń 1606-syn ortalyq atqarýshy organdarǵa berý usynylatyndyǵyn jetkizgen bolatyn. Osyǵan oraı depýtattar Úkimettiń atqaratyn qyzmeti 3 esege qysqaratyndyqtan onyń shtat sanyn azaıtý kózdelgen-kózdelmegenin suraǵan edi.
