E.Dosaev «TurǵynúıJınaqBanki» salymshylaryna tólenetin ótemaqy kólemin atady

«Memleket basshysynyń tapsyrmasy boıynsha, TurǵynúıJınaqBankiniń salymshylaryna ótemaqy tóleý júıesin jasaqtap boldyq. 20 tamyzǵa tirkelgen soma 171 mlrd. teńgeni quraǵan. Bul sol kezde bolǵan salymdar», - dedi ol tilshilerge bergen jaýabynda.

Mınıstrdiń málimetteri boıynsha, ótemaqy kólemi 60,9 mlrd. teńgeni quramaq. 2016-2017 jyldary onyń 24 mlrd. teńgesi banktiń jeke tabystary esebinen óteledi. 36,9 mlrd. teńge bıyl jáne kelesi jyldary Úkimet rezervterinen bólinedi.

«Tıisti sheshim Ekonomıkalyq saıasat keńesinde qabyldandy. «Báıterek» ulttyq holdıngi men TurǵynúıJınaqBankimen birlesip, Úkimet aıasynda tıisti sheshimder jasaqtalýda. Ótemaqy tóleý eki transhpen: 2016 jyldyń shilde aıynda jáne 2017 jyldyń qazan aıynda jasalady», - dedi E. Dosaev.