E. Dosaev: Turǵyn úı qurylys jınaq bankinde baǵam aıyrmasy boıynsha azamattardyń salymdarynyń ornyn toltyrý jumysy jasalýda
ASTANA. QazAqparat - QR Ulttyq ekonomıka mınıstri Erbolat Dosaev Turǵyn úı qurylys jınaq bankinde baǵam aıyrmasy boıynsha azamattardyń salymdarynyń ornyn toltyrý mehanızmi qurylyp jatqanyn aıtty.
Turǵyn úı qurylys jınaq bankinde baǵam aıyrmasy boıynsha azamattardyń salymdarynyń ornyn toltyrý jumysyn Prezıdenttiń tapsyrmasy boıynsha "Báıterek" xoldıngi men Úkimet jasap jatyr. Taraptar úshin birdeı salmaq salýǵa baǵyttalǵan mexanızmder jasalýda. Paıdanyń jartysyn "Báıterek" pen Qurylys jınaq banki birlesip, qazir memleket tarapynan bólinip jatqan sýbsıdııalardyń kóbeıýine jumsaıdy", - dep atap ótti mınıstr.
Onyń sózine qaraǵanda, qandaı sheshim jasalǵany jaqyn arada jarııalanady.
TQJB málimetteri boıynsha, tıisti tólemderdi alý úshin 2015 jyldyń 18 tamyzyna deıin Turǵyn úı qurylys jınaq bankinde depozıt ashqan azamattar ótinish jazyp, turǵyn úı qurylysy jınaǵy týraly Shartqa qosymsha kelisimge turýy tıis. Arnaıy shot ashý qajet emes. Baǵam aıyrmasy depozıttiń bankte bir saqtalýy talabymen tólenedi.
Eske sala keteıik, ekinshi deńgeıli bankterdegi salymdardy óteý boıynsha mexanızmderdi daıyndaýdy tapsyrǵan bolatyn. Osy tusta Elbasy Turǵyn úı qurylys jınaq bankiniń salymshylaryn erekshe atap ótti.
