E.Dosaev pen V.Jang ADB Basqarý keńesiniń 47 otyrysyna daıyndyq barysyn talqylady
ASTANA. QazAqparat - QR Ekonomıka jáne bıýdjettik josparlaý mınıstri Erbolat Dosaev Azııa damý bankiniń vıtse-prezıdenti Venchaı Jangpen kezdesýi barysynda ADB Basqarý keńesiniń jyl saıyn ótetin 47-shi otyrysyna daıyndyq barysyn talqylady. Bul týraly QR Ekonomıka jáne bıýdjettik josparlaý mınıstrliginiń baspasóz qyzmetinen habarlady.
Sonymen qatar, taraptar ekijaqty yntymaqtastyqtyń bolashaǵy men birlesken jobalardy iske asyrý jóninde pikir alysty. Azııa damý bankiniń jyl saıyn ótetin 47-shi otyrysy aǵymdaǵy jyldyń 2-5 mamyr aralyǵynda Astana qalasynda «Jańa Jibek Joly - aýysypaly álemdegi Azııa men Eýropany jalǵastyrýshysy» taqyrybynda ótedi. ADB 1966 jyly tikeleı qaryz jáne tehnıkalyq járdem berý joldary arqyly Azııa men Qıyr Shyǵystaǵy ekonomıkany jetildirý maqsatynda quryldy. Qazaqstan 1994 jyly ADB quramyna kirgennen beri aýyl sharýashylyǵy, bilim, qarjy, kólik, sý jáne t.b. salalarǵa 3,2 mlrd. AQSh dollar kóleminde sýverendi jáne sýverendi emes nesıeler aldy.
